Programazioa gustoko duzu? Web diseinua? Zibersegurtasuna?
Argi baduzu gustatzen zaizuna Informatika eta Komunikazio arloarekin lotuta dagoela, gure Goi-mailako Zikloak zurekin bat egiten dute.
AEG Berrikuntza Profesionalen Eskolan, Informatika eta Komunikazioak lanbide-arloan lan-irteera asko dituzten goi-mailako hiru ziklo eskaintzen dizkizugu:
Sareko Sistema Informatikoen Administrazioa:
Erronketan oinarritutako ikaskuntza-ereduaren bidez, enpresen benetako egoerak simulatuz, praktikak egingo dituzun enpresetan aurkituko dituzun garapen-plataformak, -tresnak edo -inguruneak erabiltzeko aukera emango dizuten trebetasunak garatuko dituzu.
Lehenengo mailatik, enpresa txiki (ETE) edo etxeko sare batera bideratutako erronka 0 lantzen hasiko zara. Azpiegitura egiteko, ekipoak konpontzen eta muntatzen, sistema eragileak instalatzen, konexioak sare kableatu edo wifi sare baten bidez egiten ikasiko duzu. Bea Corral irakasleak, SISA zikloan, adierazi du ¨ lehen erronka horrek beharrezko ezagutzak emango dizkigula erronka espezifikoago eta konplexuago hauei bide emateko, adibidez, azpiegitura bat inplementatzea enpresa ertain batean gailu sofistikatuagoekin: switchak konfiguratzea, sare birtualak sortzea errendimendu handiko sare bat muntatzeko¨.
Kiko Rodríguez irakasleak Sareko Informatika Sistemen Administrazioko Goi-mailako zikloan erabiltzen diren baliabide motak zehazten ditu: ¨bai ikasgelan eguneroko lanerako eta klaseen jarraipena egiteko ekipoak, lantegiko edo laborategiko ekipoak - Ekipoak instalatzeko zein mantentzeko - eta Cisco gailuetan oinarritutako komunikazio-rack bat ere¨.
Web-Aplikazioen Garapeneko goi-mailako zikloak prestatzen zaitu gai izan zaitezen web-orrietara (Internet edo intranet) bideratutako aplikazio informatikoak garatzeko, programazioari eta datu-baseei buruzko oinarrizko nozioen bidez.
Ziklo honen bidez, web-inguruneak eta ingurune mugikorrak sortu eta administratzeko gai izango zara, aplikazioa diseinatuz, kodea sortuz, hori guztia testatuz, bezeroaren edo zerbitzariaren aldeko teknologia espezifikoekin eta zibersegurtasunaren ikuspegitik datuetarako sarbidea bermatuz, irisgarritasun-, erabilgarritasun- eta kalitate-irizpideak betetzeaz gain.
Izaskun Akizu WAGko irakaslearen esanetan, ¨ziklo hau elebitan ematea erabaki zen, gaur egun webgunea hainbat hizkuntzatan eraikitzen delako eta hemen euskara oso garrantzitsua delako. Gure ikasleek webguneak sortzen dituzte euskaraz, gaztelaniaz eta ingelesez¨.
Plataforma anitzeko aplikazioen garapena:
PAAG zikloan enpresa, negozio edo entretenimendu esparruko aplikazio mugikorren garapenari buruz ikasiko duzu. Eskaintzen den modalitatea, eskaintza partziala (EP), eguneko ordutegian ikasteko zailtasunak dituzten langileei zuzenduta dago. Zikloa irailetik ekainera bitartean ematen da, 17: 00etatik aurrera, gutxi gorabehera.
Ikastaroa hiru multzo edo erronka handitan banatzen da, eta, hasieran, web teknologiekin aplikazio mugikorrak programatzen eta garatzen ikasten da, ondoren ikastetxeko Google Play profilean argitaratzeko. Horretarako, Phyton bezalako programazio-lengoaiak edo Cordova bezalako garapen-inguruneak erabiltzen dira.
Plataforma Anitzeko Aplikazioen Garapeneko goi-mailako zikloko irakasle Oscar Calvok dioenez, bigarren proiektu handiak teknologia aurreratuagoak ditu, hala nola React edo IoT gailuak, sentsoreak edo mota guztietako mikrokontrolagailuak sartzeko arduinoak, MQTT protokoloaz gain.
Hirugarren erronka handian, Spring Boot bezalako backend teknologiekin, React lanean aurrera egin zen eta Unity sartu genuen, Errealitate areagotuarekin, bideojokoen garapenerako.
AEGn eskaintzen ditugun goi-mailako zikloetan erabiltzen dugun metodologia abangoardista da; ikaskuntzaren oinarria da ikasleei kontzeptu teorikoak modu praktikoan eta atseginean barneratzen laguntzen dien proiektuetara bideratutako prestakuntza. Iñaki García Informatika Saileko buruak uste du eskaintzen ditugun Informatika eta Komunikazio zikloen ezaugarririk garrantzitsuena erronketan oinarritutako elkarlaneko ikaskuntza-eredua dela. Eredu horretan, ikasleak ahalik eta gehien hurbiltzen ditugu lanbide-munduan lan egiteko moduetara, eta kontuan hartzen dugu, batez ere, ikasleak direla beren ikaskuntzaren protagonista.
Argi daukazu zure etorkizuna informatika arloan dagoela? Inskripzio formularioa