Web-aplikazioak sortzea, Sistema Informatikoak administratzea, Segurtasun Informatikoa kudeatzea (Zibersegurtasuna)... gustatuko litzaizuke zeregin horietan lan egitea?
Informatika eta Komunikazioak lanbide-arloko goi-mailako zikloekin lurraldeko enpresetan (publikoetan eta pribatuetan) lan egin ahal izango duzu, edo, zergatik ez? Zeure abenturari ekinez.
Irailetik aurrera zer ikasi erabaki ez baduzu, ez kezkatu! AEG Berrikuntza Profesionalen Eskolan Lanbide Heziketako (LH) bi ziklo ditugu, eta horiekin trebatuko zara lan-irteera asko dituen arlo batean:
Goi Mailako Lanbide Heziketako ziklo hauek irteera profesional gehien dituzten zikloen artean daude Educalive.com blogaren arabera. Enplegu Bulegoaren (Oficina de Empleo) atariak, halaber, Informatika eta Komunikazioetako LHko zikloak aipatzen ditu, eta arlo horretan lan egiteko gehien eskatzen diren lanpostuak izendatzen ditu: Help Desk, Programatzailea eta Sistemen Teknikaria.
Puntu honetara iritsita, ziur aski ziklo bakoitzean zer egiten den galdetzen ariko zara, ezta?
Web Aplikazioen Garapena (WAG) zikloak prestatzen zaitu web-inguruneetara edo mugikorretara bideratutako aplikazio informatikoak garatzeko gai izan zaitezen.
Garatzaileak dira gaur egun enpresek gehien bilatzen duten sektore teknologikoaren profiletako bat. APPen eta web-formatu berrien munduaren bilakaera hain da esanguratsua, non lehiakorra izateko prestatzea eta espezializatzea beharrezkoa da. Web Aplikazioen Garapeneko zikloak eskeintzen dizkizun irteera profesional batzuk honako hauek dira:
WAG-eko Goi Mailako Zikloko ikasketa-plana 2000 ordutan banatzen da, bi ikasturteetan egituratuta:
Hauek dira zikloan zehar garatzen ikasiko dituzun zereginetako batzuk:
-
Web-inguruneetan propostu orokorreko softwarea prestatu eta programatzea
-
Gailu mugikorretarako web-inguruneak eta inguruneak sortzea eta administratzea; aplikazioa diseinatuz, kodea sortuz, proba-planak eginez, beharrezkoak diren zuzenketak eginez…
-
Hori guztia bezeroaren edo zerbitzariaren aldeko teknologia espezifikoak erabiliz, datuetarako sarbidea bermatuz (datu-base erlazionalak eta erlazionalak ez direnak) modu seguruan eta estandar ofizialek eskatutako irisgarritasun-, erabilgarritasun- eta kalitate-irizpideak betez.
-
Web-inguruneetan enpresa-kudeaketarako eta bezeroekiko harremanetarako programak sortzea
-
Programazio segurua. Zibersegurtasuna garapenaren ingurura egokitzen dugu.
-
Edozein eremutako software-programak (aisialdia, hezkuntza, kirola) web-inguruneetan
-
Intranet, Extranet eta Interneteko inguruneetan aplikazioak sortzea.
Web Aplikazioak Garatzeko Zikloak eskaintzen dizkizun irteera profesional batzuk honako hauek dira:
-
Web programatzailea,
-
Plataforma anitzeko programatzailea,
-
Web-inguruneetako aplikazioen garatzailea,
-
Webmaster,
-
Sistemen kudeatzailea.
Sektore teknologikoko enpresetan, ekomerce-a duten enpresetan, B2B negozio-ereduaren bidez enpresentzako zerbitzuen hornitzaile gisa eta edozein sektoretako beste edozein enpresatan (garatzailea eta web-diseinatzailea) lan egin ahal izango duzu.
Sareko Sistema informatikoen Administrazioa
Sareko Sistema Informatikoen Administrazioa (SISA) goi-mailako heziketa-zikloak prestatzen zaitu praktikak egingo dituzun enpresetan aurkituko dituzun plataformak, tresnak edo garapen-inguruneak erabiltzeko gai izan zaitezen.
Gaur egun, enpresa askok beren lan-jarduerarako kudeaketa-programak behar dituzte edo dituzte. Horregatik, enpresaren euskarri informatikoaz arduratuko den norbait behar dute.
SISA Goi Mailako Zikloa 2.000 ordutan egituratzen da, bi ikasturtetan banatuta:
Sareko Sistema Informatikoak Administratzeko goi-mailako zikloarekin, besteak beste, honako hauek ikasiko dituzu:
-
Lan, Wifi eta Wan sareak diseinatu, sortu, monitorizatu eta segurtatzea, Routers eta Switches fisiko eta birtualak konfiguratuz.
-
Zerbitzari fisiko eta birtualizatuen sistema eragileak instalatzea, konfiguratzea, segurtatzea eta administratzea software librearekin eta jabearekin.
-
Sareko zerbitzuak instalatzea, konfiguratzea, segurtatzea eta administratzea (webgunea, mezularitza elektronikoa eta fitxategien transferentzia, besteak beste).
-
Birtualizazio profesionaleko plataforma erabiltzea sareak ezartzeko eta kudeatzeko.
-
Hodeian zerbitzuak konfiguratzea eta horietara sartzea (Cloud Computing).
-
Zibersegurtasuna aplikatzea hacking tekniken bidez (erasoa eta defentsa).
-
Errendimendua konpontzea, ebaluatzea eta ekipoak mihiztatzea, bai eta horietan dauden arazoak diagnostikatzea eta konpontzea ere.
-
Datu-baseen zerbitzuak software librearekin eta jabearekin instalatzea, konfiguratzea, segurtatzea eta administratzea.
Zikloak dituen irteera profesionalei dagokienez, edozein sektoretan lan egin ahal izango duzu, enpresa publiko edo pribatuetan, honako zeregin hauekin lotuta:
-
Sistema administratzeko teknikaria,
-
Informatikako arduraduna,
-
Interneteko zerbitzuetako teknikaria,
-
Mezularitza elektronikoko zerbitzuetako teknikaria,
-
Laguntzako eta laguntza teknikoko langileak,
-
Telelaguntzako teknikaria,
-
Datu-baseen administrazioko teknikaria,
-
Sareetako teknikaria,
-
Sistemen gainbegiralea,
-
Komunikazio-zerbitzuetako teknikaria,
-
Web-inguruneko teknikaria.
Bi zikloetan (WAG eta SISA), zibersegurtasuna oso kontuan izaten dugu, zeharkako ikasgai moduan landuz. Alderdi hori oso garrantzitsua da, gaur egun kontuan hartu beharrekoa, eta enpresa askok positiboki baloratzen dutena. Guretzat, prestakuntza-zentro gisa, puntu estrategikoa da; izan ere, informazioaren segurtasunarekiko konpromisoa dugu. 2018. urteaz geroztik, ISO 27001 ziurtagiria dugu, informazioaren segurtasuna kudeatzeko sistema baterako jardunbide onenak deskribatzen dituen nazioarteko estandarra.
Lankidetzako ikaskuntza-eredu baten bidez trebatuko zara. Eredu horretan, pixkanaka, trebetasun teknikoak garatzen joango zara, taldean landuko diren erronken bidez, ondoren enpresetan aurkituko duzun lanbide-munduko lan-modua simulatuz. Proiektuetara bideratutako prestakuntza, kontzeptu teorikoak modu praktiko eta atseginean barneratzen lagunduko dizuna.
Hainbat aukera daude zure prestakuntzan mundu profesionalera hurbiltzeko: LH Duala, Erasmus+ edo derrigorrezko praktikak. Horietan guztietan, sektorea eta Informatikako arloan diharduten profesionalak hurbiletik ezagutuko dituzu. Zikloan zehar ikasitako guztia praktikan jarri ahal izango duzu.
Animatzen zara?